Наманганда тўй кортежида қатнашган 50 ҳайдовчи жазоланди
3-саҳифа
−
14 Ноябрь 2025 5456 1 дақиқа
Наманган вилоятида тўй кортежида қатнашган ва қўпол қоидабузарликлар содир этган 50 нафар ҳайдовчи жаримага тортилди. Бу ҳақда Ички ишлар вазирлиги хабар берди.
Қайд этилишича, аниқланган шахслар дрифт ҳаракатлари қилган, йўлнинг қарама-қарши йўналишига чиқиб, транспорт воситалари ва пиёдалар хавфсизлигига таҳдид солган ҳамда бу ҳолатларни видеотасвирга олиб, ижтимоий тармоқларга жойлаштирган.
Суд томонидан уларнинг йўл безорилиги содир этган ва ҳаракат қоидаларини қўпол равишда бузган 25 нафари бир йилга ҳайдовчилик ҳуқуқидан маҳрум қилиниб, базавий ҳисоблаш миқдорининг 25 баравари миқдорида жаримага тортилган.
Қолган 25 кишига эса БҲМнинг 5 баравари, яъни 2 миллион 60 минг сўм миқдорида жарима тайинланган.
Эслатиб ўтамиз, аввалроқ Фарғона вилоятида йўл-ҳаракати қоидаларини бузиб, тўй кортежи уюштирган 14 нафар куёвжўрага маъмурий қамоқ жазоси қўлланганди.
Live
Барчаси
