Наингголаннинг адвокати футболчига қўйилган айбловларни рад этди
Спорт
−
28 Январь
922Аввалроқ, бельгиялик таниқли футболчи Рожа Наингголан гиёҳванд моддалар контрабандасига алоқадорликда гумонланиб, ҳибсга олингани хабар қилинганди.
“Локерен-Темсе” клуби футболчиси Рожа Наингголаннинг адвокати Омар Суиди бельгиялик собиқ ярим ҳимоячи гиёҳванд моддалар контрабандасига алоқадорлигини рад этди. Бу ҳақда адвокат “Corriere dello Sport” нашрига берган инетрвьюсида айтди.
“У бу ишга алоқадорлигини рад этади. Тез орада Рожа “Локерен”да ўйнашини кутаман. Унга ҳали айблов қўйилмаган. Бир неча саволларга жавоб бериши кераклиги унинг бу ишга алоқаси борлигини англатмайди. Уни сўроқ қилишди, ҳамкорлик қилди, энди судьяни кутяпмиз. Рожа жиноятчи эмас, футболчи”, дейди Суиди.
Маълумот учун, фаолияти давомида Наингголан Италиянинг “Кальяри”, “Пясенса”, Миланнинг “Интер”, Римнинг “Рома”, СПАЛ ва Бельгиянинг “Антверпен” клубларида тўп сурган. Рожа “Интер” билан Италия, “Антверпен” билан эса Бельгия чемпиони бўлган.
LiveБарчаси
18 Февраль
18 Февраль