Бельгиялик футболчи ҳибсга олинди
Спорт
−
27 Январь
5770Бельгия терма жамоаси собиқ футболчиси Рожа Наингголан кокаин контрабандасида айбланиб, ҳибсга олинди. Бу ҳақда Брюссель прокуратураси матбуот хизмати хабар берди.
Манбага кўра, Бельгия полицияси Жанубий Антверпен порти орқали кокаин олиб ўтилиши бўйича олиб борилган тергов натижасида Бельгия чемпионати 2-лига вакили “Локерен-Темсе” жамоасида тўп тепган Рожа Наиноголланга нисбатан жиноят иши қўзғатилган. Полиция Антверпен ва Брюсселдаги 30 дан ортиқ уйда тинтув ўтказди.
Бу ҳолат бўйича Брюссель прокуратураси изоҳ берди.
“Тергов кокаиннинг Жанубий Америкадан Антверпен порти орқали Европага олиб келингани ва Бельгияда қайта тақсимланиши билан боғлиқ. Биз бу иш юзасидан футболчи билан сўроқ қилиш ишлари давом этаётганини маълум қиламиз. Шунингдек, айбсизлик презумпцияси тамойилига мувофиқ бу босқичда бошқа изоҳ бера олмаймиз”, дейилади изоҳда.
Маълумот ўрнида, Наингголан футболчилик фаолиятида “Рома”, “Интер”, “Кальяри” клубларида тўп тепган. Унинг охирги жамоаси “Локерен Темсе” жамоаси бўлди. Бельгия терма жамоасида эса 2009 йилдан 2018 йилга қадар фаолият олиб борган.
LiveБарчаси
18 Февраль
18 Февраль