МЮни 10-15 нафар футболчи тарк этиши керак – Руни

“Манчестер Юнайтед”нинг собиқ ҳужумчиси Уэйн Руни клубнинг 10-15 нафар футболчиси жамоадан кетиши керак, деб ҳисоблайди. Бу ҳақда Руни “Goal” нашрига берган интервьюсида маълум қилди.

“МЮ футболчилари мақсадсиз ва нимадандир қўрқиб кетганга ўхшайди. Бруно баъзида зерикарли ўйин кўрсатса ҳам, натижаларни тақдим қилишда давом этмоқда. Таркибни жиддий ўзгартириш керак. Менимча, клубни 10-15 нафар футболчи тарк этиши керак. Шубҳасиз, бу ишни зудлик билан амалга ошириш зарур, лекин бу жамоанинг менталитети шундайки, ҳеч ким жавобгарликни ўз зиммасига олмайди. Мен Бруно ва Майнуни жамоадан кетказган бўлардим. Клубда ҳозир мағлубиятга жуда енгил қаралмоқда. МЮ футболчилари бироз характер кўрсатинг ва майдонда курашинг. Сизни мағлубиятингизни кўриш мени хафа қилди”, дейди Руни.

“Манчестер Юнайтед” 28 та турдан кейин 34 очко жамғарган ҳолда Англия Премьер-лигаси турнир жадвалида 14-ўринда бормоқда.

Эслатиб ўтамиз, аввалроқ “Манчестер Юнайтед” футбол клуби учун ҳозирги “Олд Траффорд” ўрнида янги 100 минг ўринли стадион қурилиши хабар қилинганди.