МЮ Почеттино билан принципиал шартлар бўйича келишиб олди – Романо

“Манчестер Юнайтед” аргентиналик Маурисио Почеттино билан бош мураббий этиб тайинланишининг асосий шартлари бўйича оғзаки келишувга эришди. Бу ҳақда инсайдер Фабрицио Романо X ижтимоий тармоғида хабар берди.

Манбанинг маълум қилишича, айни пайтда АҚШ футбол федерацияси билан музокаралар олиб борилмоқда.

Хабарларга кўра, клуб Почеттинонинг 10 миллион долларлик товон пулини тўлаш имкониятидан фойдаланишни режалаштирмоқда. Энди расмий қадамлар ташланиши кутилмоқда.

Маълумотларга кўра, “Манчестер Юнайтед” раҳбарияти кеча, 11 ноябрь куни Монакода йиғилиш ўтказган эди. ОАВ маълумотларига кўра, ушбу йиғилишда амалдаги бош мураббий Майкл Кэррикнинг келажаги ҳал қилинган.

Маълумот учун, Почеттино Англия Премьер-лигасида аввал “Саутгемптон”, “Челси” ва “Тоттенхэм” клубларини бошқарган. У “Тоттенхэм” билан 2019 йилда Чемпионлар лигаси финалига қадар етиб борган.

Айни дамда “Манчестер Юнайтед” Англия Премьер-лигаси турнир жадвалида 18-ўринда бормоқда. Жамоа жорий мавсумдаги дастлабки 10 та учрашувнинг фақат биттасида ғалаба қозонган.