Мудофаа вазирлигида янги тайинлов амалга оширилди

Жамият

−

11 Октябрь 2019 visibility7396 timer1 дақиқа

Ўзбекистон Республикаси мудофаа вазирининг буйруғи билан Шимоли-ғарбий ҳарбий округ қўшинлари қўмондонининг моддий-таъминот бўйича ўринбосари лавозимида хизмат қилиб келган подполковник Баҳодир Мамиржонович Ражапов Жануби-ғарбий махсус ҳарбий округ қўшинлари қўмондонининг моддий таъминот бўйича ўринбосари лавозимига тайинланди.

Баҳодир Ражапов 2001 йилда олдинги Самарқанд олий ҳарбий автомобиль қўмондонлик-муҳандислик билим юртини тамомлаган. Шимоли-ғарбий ҳарбий округ қўшинлари қўмондонининг моддий-таъминот бўйича ўринбосари лавозимини 2018 йилнинг февраль ойидан бери эгаллаб келган. Хизмати давомида қўшинларда қўмондонлик лавозимларида хизмат қилган.

Таъкидланишича, Жануби-ғарбий махсус ҳарбий округ қўшинлари қўмондонининг моддий таъминот бўйича ўринбосари лавозими шу вақтга қадар вакант бўлиб келган.

Мақола муаллифи