MMA жангчиси аренада рақибининг қулоғини тишлаб олди (видео)

Словакиялик аралаш яккакурашлар устаси Павол Васко Брно шаҳрида бўлиб ўтган Clash MMA 15 турнири доирасидаги жанг пайтида чехиялик рақиби Вацлав Микуласекнинг қулоғидан тишлаб олди. Бу ҳақда “The Sun” хабар берди.

Манбага кўра, ҳодиса жорий йилнинг 7 февраль куни бўлиб ўтган Clash MMA 15 турнири доирасидаги жанг бошланганидан бир неча сония ўтиб содир бўлган. Можародан сўнг аренадаги томошабинлар Васкога ҳужум қилгани айтилмоқда. Унга стул улоқтирилган ва у жангчининг бошига теккан. 

Маълум қилинишича, бу икки спортчи ўртасидаги иккинчи тўқнашув бўлган. 2025 йил декабрь ойида ўтган илк жангда ҳам Васко биринчи раунддаёқ дисквалификация қилинганди.

Маълумот учун, Павол Васко Братислава шаҳридан бўлган 35 ёшли MMA жангчиси. У Словакия ва Чехияда ўтказиладиган маҳаллий промоушен турнирларида иштирок этиб, оғир ҳамда супероғир вазн тоифаларида жанг қилади. Қулоқ тишлаш билан боғлиқ энг машҳур воқеалардан бири 1998 йил 28 июнь куни АҚШда ўтган Майк Тайсон — Эвандер Холифилд жанги ҳисобланади. Ўша баҳсда Тайсон рақибининг қулоғининг бир қисмини тишлаб узиб олган. Натижада у 3 миллион доллар жаримага тортилган ва маълум муддатга мусобақалардан четлатилган.