Мессининг дубли “Интер Маями”ни Лигалар кубоги финалига олиб чиқди

Бугун, 28 август куни тонгда Америка Лига кубоги ярим финал доирасида “Интер Майами” ва “Орландо Сити” жамоалари ўртасидаги баҳс бўлиб ўтди. Унда Мессининг дубли эвазига “Интер Майами” клуби “Орландо Сити” жамосини 3:1 ҳисобида мағлуб этиб, финал йўлланмасини қўлга киритди.

Учрашувнинг 20-дақиқасида Марко Пашалич “Орландо Сити” жамоасини олдинга олиб чиқди. 77-дақиқада Мессининг пенальтидан киритган голи ҳисобни тенглаштирди. Орадан 11 дақиқа ўтиб, аргентиналик юлдуз Жорди Алба билан чиройли комбинацияни якунлаб, “Интер Майами”ни ҳисобда олдинга олиб чиқди. Якуний 3-голни эса Теласко Сеговия қўшиб берилган 90+1 дақиқада ўз номига ёздириб қўйди. Бу натижа финалдан ташқари, “Интер Майами” жамоасига КОНКАКАФ Чемпионлар лигаси йўлланмасини ҳам тақдим этди.

Ўйин кескин курашларга бой бўлди. “Орландо Сити” жамоаси ҳимоячиси Давид Брекалога иккинчи  сариқ орқали  қизил карточка кўрсатилди. Ўйиндан сўнг мураббий Оскар Пареха ҳакамлик қарорларидан норози эканлигини айтиб ўтди.

“Лео ҳақида сўз топиш қийин. Атиги икки-уч кун машғулот ўтказиб, 90 дақиқа майдонда тўлиқ ўйнади, голлар урди ва вазиятлар яратди. Бу биз ва мухлислар учун шараф”,  деди “Интер Майами” жамоасининг ёрдамчи мураббий Хавер Моралес.

Маълумот учун, финал “Интер Маями” “ Сиэтл Саундерс ” клублари  ўртасида бўлиб ўтади. Финал баҳси жорий йилнинг 1-сентябрь куни “Люмен Филд ” стадионида бўлиб ўтади. “Интер Маями” клуби ушбу совринни 2022 йилда қўлга киритган эди.