Мессини кўриш учун салкам 2000 км босиб ўтган мухлиснинг ҳафсаласи пир бўлди

Спорт

−

26 Июнь 2023 visibility23185 timer1 дақиқа

“Интер Майами” мухлиси клуб ҳужумчиси Лионель Мессининг “Филадельфия Юнион”га қарши ўйинини (1:4) томоша қилиш учун 1931 км йўл босиб ўтди. Бу ҳақда “Goal” хабар берди.

Манбага кўра, мухлис аргентиналик ҳужумчини "Интер Майами" таркибида “Филаделфия Юнион”га қарши ўйинда дебют қилади, деб ўйлаган. Бироқ бу учрашувда Месси майдонга тушмади.

Кейинроқ “Филадельфия Юнион” Twitter'да мухлиснинг “Барча даврларнинг энг яхши футболчисини кўриш учун 1200 мил йўл босиб ўтдим” деган баннер кўтариб тургани акс этган видеони жойлади. Видео охирида мухлис афишани ерга улоқтирган.

Эслатиб ўтамиз, Месси ёзги трансфер ойнасида ПСЖдан “Интер Майами”га ўтган эди. Мессининг “Интер Майами” жамоасидаги тақдимоти 16 июль куни бўлиб ўтиши кутилмоқда.

Мақола муаллифи