Месси жароҳат олди

Аргентина терма жамоаси ва “Интер Майами” клуби сардори Лионель Мессида жароҳат борлиги маълум бўлди. Бу ҳақда клуб матбуот хизмати хабар берди. 

Хабарларга кўра, Месси чап сон мушакларининг чўзилишидан азият чекмоқда. У мазкур жароҳатни жорий йилнинг 8 февраль куни жамоанинг Гуаякиль шаҳридаги мавсумолди тайёргарлик доирасида Эквадорнинг “Барселона” клубига қарши ўртоқлик учрашувида (2:2) олган. Аргентиналик футболчи ўша ўйинда гол уриб, голли узатма ҳам амалга оширганди.

“Месси 11 февраль куни Эквадорда “Барселона”га қарши ўйиндан сўнг чап сон мушакларининг чўзилиши сабаб машғулотларда қатнашмади. Ўшандан бери унинг аҳволи яхшиланмади. Футболчи қўшимча тиббий кўриклардан ўтди ва ташхис тасдиқланди. Унинг машғулотларга босқичма-босқич қайтиши яқин кунларда клиник ва функционал тикланишига боғлиқ бўлади”,  дейилади клуб расмий баёнотида.

Маълумот учун, 38 ёшли аргентиналик ҳужумчи 2023 йилдан буён “Интер Майами” сафида тўп суриб келмоқда. 2025 йил декабрь ойи бошида Месси жамоаси билан MLS чемпионлигини қўлга киритган эди.