Месси жаримага тортилди
Спорт
−
10:55 843 1 дақиқа
MLS Интизом қўмитаси “Интер Майами” ҳужумчиси Лионель Мессини мунтазам чемпионат учрашувидаги ҳаракатлари учун жаримага тортди. Бу ҳақда лиганинг интизом қўмитаси маълум қилди.
Ҳодиса “Интер Майами” ва “Филадельфия Юнион” ўртасидаги 2:2 ҳисобида якунланган учрашувнинг иккинчи бўлимига қўшиб берилган вақтда содир бўлди. Месси “Филадельфия” ярим ҳимоячиси Куинн Салливан билан тортишиб қолган ва унинг бўйин қисмига қўли билан теккан.
MLS Мессини рақиб футболчисининг юзи, боши ёки бўйнига қўл теккизишни тақиқловчи қоидани бузган деб топди. Аргентиналик футболчига жарима берилди, бироқ унинг миқдори ошкор қилинмади. Шу сабабли Месси кейинги учрашувда майдонга тушиши мумкин.
Эслатиб ўтамиз, ушбу учрашув жорий йилнинг 20 август куни бўлиб ўтган ва 2:2 ҳисобида якунланган. Месси “Интер Майами”нинг голларидан бирига муаллифлик қилган эди.
Live
Барчаси
