Месси ва Роналду яна бир-бирига қарши ўйнаши мумкин

Спорт

−

29 Сентябрь 2023 visibility7804 timer1 дақиқа

“Ал-Наср” ва “Интер Майами” клублари ўртасида ўртоқлик ўйини ташкил этилиши мумкин. Бу ҳақда журналист Али Алабдалҳа ўзининг Х саҳифасида маълум қилди.

Қайд этилишича, номини ошкор этишни истамаган маркетинг компанияси Саудия Арабистонининг “Ал-Наср” клуби Америка Қўшма Штатларининг “Интер Майами” жамоалари ўртасидаги ўртоқлик ўйинини ташкил қиляпти. Учрашув Хитой мезбонлигида ўтказилиши кутилмоқда.

Айтиш жоиз, бу ўйин шунчаки икки клубни ўзаро куч синашиши учун эмас балки, собиқ “Эль-класико”чилар – португалиялик Криштиану Роналду ва Аргентина терма жамоаси аъзоси Лионель Месси қарама-қаршилигини уюштириш мақсадида ташкил қилинмоқда.

Маълумот учун, бу икки футболчи жорий йил бошида, Месси ҳали ПСЖ футболчиси эканлигида ўзаро тўқнаш келган эди. Унда парижликлар “Ал-Наср” устидан 5:4 ҳисобида ғалаба қозонган эди.

Мақола муаллифи