Месси ва Роналду FIFPro рамзий жамоасига киритилмади

Лионель Месси 18 йил ичида биринчи марта Халқаро профессионал футболчилар уюшмаси (FIFPro) жамоасига киритилмади.

Кеча, 9 декабрь куни FIFPro йилнинг рамзий жамоаси таркибини эълон қилди. Таркиб 21266 нафар футболчи иштирок этган сўровнома натижаларига кўра аниқланди.

“Интер Майами”нинг аргентиналик форварди ушбу жамоага қўшилиш учун да]вогарлардан бири эди, аммо якуний таркибга кира олмади. Бунгача Месси кетма-кет 17 марта рамзий терма жамоага киритилган.

Криштиану Роналду эса кетма-кет иккинчи марта рамзий жамоага киритилмади. Бунгача у кетма-кет 15 марта таркибга киритилган.

Рамзий жамоа:

Дарвозабон: Эдерсон (“Манчестер Сити”);

Ҳимоячилар: Даниэль Карвахаль, Антонио Рюдигер (иккаласи ҳам “Реал”), Виржил ван Дейк (“Ливерпуль”);

Ярим ҳимоячилар: Кевин Де Брюйне, Родри (иккаласи ҳам “Манчестер Сити”), Тони Кроос (“Реал»), Жуд Беллингем (“Реал”);

Ҳужумчилар: Эрлинг Холанд (“Манчестер Сити”), Килиан Мбаппе, Винисиус Жуниор (“Реал”).