Messi va Ronaldu FIFPro ramziy jamoasiga kiritilmadi

Lionel Messi 18 yil ichida birinchi marta Xalqaro professional futbolchilar uyushmasi (FIFPro) jamoasiga kiritilmadi.

Kecha, 9 dekabr kuni FIFPro yilning ramziy jamoasi tarkibini e’lon qildi. Tarkib 21266 nafar futbolchi ishtirok etgan so‘rovnoma natijalariga ko‘ra aniqlandi.

“Inter Mayami”ning argentinalik forvardi ushbu jamoaga qo‘shilish uchun da]vogarlardan biri edi, ammo yakuniy tarkibga kira olmadi. Bungacha Messi ketma-ket 17 marta ramziy terma jamoaga kiritilgan.

Krishtianu Ronaldu esa ketma-ket ikkinchi marta ramziy jamoaga kiritilmadi. Bungacha u ketma-ket 15 marta tarkibga kiritilgan.

Ramziy jamoa:

Darvozabon: Ederson (“Manchester Siti”);

Himoyachilar: Daniel Karvaxal, Antonio Ryudiger (ikkalasi ham “Real”), Virjil van Deyk (“Liverpul”);

Yarim himoyachilar: Kevin De Bryuyne, Rodri (ikkalasi ham “Manchester Siti”), Toni Kroos (“Real»), Jud Bellingem (“Real”);

Hujumchilar: Erling Xoland (“Manchester Siti”), Kilian Mbappe, Vinisius Junior (“Real”).