Месси Роналдунинг Twitter’даги рекордини янгилади
Спорт
−
20 Июль 2023
4336Аргентиналик футболчи Лионель Мессининг янги клубидаги тақдимотини Twitter'да 3,5 миллиард киши томоша қилди. Ижтимоий тармоқда “Интер Майами” клуби раҳбари Девид Бекхэм Месси қайд этган натижага изоҳ берди.
“Шаҳримиз ва клубимизда барча даврларнинг энг яхши футболчиси ўйнайди ва бу бутун дунё эътиборини тортди. Мессининг тақдимотини 3,5 миллиард киши томоша қилди. Бу жуда ажойиб натижа”, дейди Бекхэм.
Қайд этиш жоиз, португалиялик футболчи Криштиану Роналдунинг “Ал-Наср”даги тақдимотини 3 миллиард киши кўрган.
Маълумот ўрнида, Месси “Интер Майами”га эркин агент сифатида қўшилди. Бунгача у икки мавсум ПСЖда ўйнади ва жамоа таркибида 2 марта Франция чемпиони бўлди. Ўтган мавсумда Месси 40 та ўйинда майдонга тушиб, 21 та гол урди ва 20 та голга ассистентлик қилди.