Месси Пеленинг рекордини такрорлади
Спорт
−
02 Март 1260 1 дақиқа
“Интер Майами” ва Аргентина терма жамоаси ҳужумчиси Лионель Месси жарима зарбаларидан урилган голлар сони бўйича бразилиялик афсона Пеленинг натижасига етиб олди. Бу ҳақда “Ratopati” нашри хабар берди.
Бугун, 2 март куни MLS мунтазам мавсуми доирасида “Орландо Сити”га қарши учрашувда Месси дубль қайд этди. Аргентиналик ҳужумчи иккинчи голини жарима зарбасидан киритди ва шу орқали у Пеленинг кўрсаткичини такрорлади.
Шу тариқа, Месси ва Пеле футбол тарихида жарима зарбаларидан энг кўп гол урган футболчилар рўйхатида иккинчи ўринни бўлишиб турибди. Бу борадаги рекорд эса бразилиялик собиқ ярим ҳимоячи Жуниньо Пернамбусанога тегишли. У фаолияти давомида 77 та жарима зарбасини голга айлантирган.
Маълумот учун, Месси саккиз карра “Олтин тўп” соҳиби ҳисобланади. Унинг профессионал фаолияти 2003 йилда бошланган. У “Интер Майами”дан ташқари “Барселона” ва “Пари Сен-Жермен” клубларида ҳам тўп сурган.
