Месси ассистлар бўйича рекордни такрорлади
Спорт
−
20 Ноябрь 698
Бугун, 20 ноябрь куни Аргентина терма жамоаси футбол бўйича 2026 йилги Жаҳон чемпионатига саралаш босқичи доирасида Перу терма жамоасини қабул қилиб, 1:0 ҳисобида ғалаба қозонди.
Учрашувнинг 55-дақиқасида ҳужумчи Лаутаро Мартинес жамоа сардори Лионель Мессининг узатмаси билан ҳисобни очди.
МЛС матбуот хизматиига кўра, Месси терма жамоалардаги голли узатмалар сони бўйича тарихий рекордни такрорлаган. Футболчининг термадаги ассистлари сони 58 тага етди. Бунгача Лендон Донован АҚШ терма жамоаси таркибида худди шунча голли узатмани амалга оширган.
Маълумот учун, Месси 2023 йил ёзида Франциянинг ПСЖ клубидан эркин агент сифатида “Интер Майами”га ўтган эди. Бу вақт ичида аргентиналик футболчи клуб сафида 39 та ўйин ўтказиб, 34 та гол ва 19 та голли узатмага муаллифлик қилди.
