Messi assistlar bo‘yicha rekordni takrorladi
Sport
−
20 noyabr 678
Bugun, 20 noyabr kuni Argentina terma jamoasi futbol bo‘yicha 2026 yilgi Jahon chempionatiga saralash bosqichi doirasida Peru terma jamoasini qabul qilib, 1:0 hisobida g‘alaba qozondi.
Uchrashuvning 55-daqiqasida hujumchi Lautaro Martines jamoa sardori Lionel Messining uzatmasi bilan hisobni ochdi.
MLS matbuot xizmatiiga ko‘ra, Messi terma jamoalardagi golli uzatmalar soni bo‘yicha tarixiy rekordni takrorlagan. Futbolchining termadagi assistlari soni 58 taga yetdi. Bungacha Lendon Donovan AQSH terma jamoasi tarkibida xuddi shuncha golli uzatmani amalga oshirgan.
Ma’lumot uchun, Messi 2023 yil yozida Fransiyaning PSJ klubidan erkin agent sifatida “Inter Mayami”ga o‘tgan edi. Bu vaqt ichida argentinalik futbolchi klub safida 39 ta o‘yin o‘tkazib, 34 ta gol va 19 ta golli uzatmaga mualliflik qildi.
