Мелания Трамп Оқ уйга робот олиб борди (видео)

Жорий йилнинг 24 март куни Оқ уйнинг сиёсатчилар, хорижий арбоблар, уруш қаҳрамонлари ва элита вакиллари кутиб олинадиган афсонавий Шарқий залига АҚШнинг биринчи хоними Мелания Трамп томонидан янги гуманоид робот олиб борилди. Робот Мелания учун “махсус нутқ”ини тақдим этди. Бу ҳақда CNN хабар берди.

Қайд этилишича, Қўшма Штатларда ишлаб чиқарилган робот йиғилганларга қарата мурожаат қилган.

“Биринчи хоним Мелания Трамп, мени Оқ уйга таклиф қилганингиз учун раҳмат. Мен болаларга технологиядан таълим бериш орқали тарихий жараённинг бир қисмига айланишимдан хурсандман”, дейди у.

Дунёнинг турли бурчакларидан Оқ уйга ташриф буюрган меҳмонлар ва йирик технологик компания вакиллари “янги меҳмон”нинг ноодатий равон нутқидан ҳайратда қолганликларини айтган ва у билан суратга тушган.

“Тўғрисини айтганда, сен менинг Оқ уйдаги биринчи америкалик гуманоид роботимсан”, деб жавоб қайтарган биринчи хоним.

Роботга “Oбъект 3“ (Figure 3) дея ном берилган. У Figure сунъий интеллект робототехника компанияси томонидан ишлаб чиқарилган.

CNN мухбирa Бетси Клейннинг ёзишича, “Объект 3” 11 та тилда нуқсонсиз талаффуз билан ўзини таништириб, залда “тентакларча” юриш қилган.

АҚШ Президенти Дональд Трамп эса бу лаҳзалар технологиялар ва инсоният учун бурилиш нуқтаси эканлигини таъкидлаб, Ер муҳити одамлар учун мўлжаллангани сабабли гуманоид роботлар ҳаётга мос равишда ҳаракатланиш ва ишлашга жуда мос келишини айтган. Шунингдек, Оқ уй раҳбари “Объект 3”га ўхшаш “ақлли роботлар”ни Америка мактабларида ҳам жорий қилишни таклиф қилган.