Мексикада нефть-газ платформаси портлаб кетди (видео)

Мексиканинг Pemex нефть-газ платформасида кучли портлаш юз берди. Бу ҳақда РИА Новости хабар берди. 

Корпорациянинг Twitter'даги саҳифасида ёзилган маълумотларга кўра, портлаш оқибатида бир неча ходим бедарак йўқолган.

"Pemex компаниясида хавфсизлик устувор ҳисобланади. Дастлабки маълумотларга кўра, Nohoch-А платформасида эрталаб содир бўлган портлаш оқибатида ходимлардан бир нечтаси бедарак йўқолган. Афсуски, объектда ишлаган ишчилардан икки киши ҳалок бўлди ва бир киши бедарак йўқолди”, дейилади компаниянинг Twitter'даги саҳифасида.

Дастлаб компания Матбуот хизмати Мексиканинг Pemex нефть-газ корпорациясининг мамлакат кўрфазидаги платформаларида содир бўлган портлаш оқибатида олти киши жабрлангани ҳақида хабар берган. Бунгача Мексика Президенти Андрес Мануэль Лопес Обрадор оффшор платформадаги ҳодиса оқибатида уч ёки тўрт одам бедарак йўқолганини айтиб чиққанди. Компания бу маълумотни тасдиқламаган, бироқ 328 ходимдан 321 нафари платформалардан эвакуация қилинганини айтганди.