Медведев Украинанинг НАТОга интилиши ҳақида: “Зеленский дунёга Учинчи жаҳон урушини таклиф қиляпти”

Украина НАТОга тезликда аъзо бўлиш ҳақида ариза топшириб, Учинчи жаҳон урушини тезроқ бошлашни сўраяпти. Россия Хавфсизлик кенгаши раисининг ўринбосари Дмитрий Медведев Президент Владимир Зеленскийнинг альянсга аъзолик ҳақидаги баёнотига шундай муносабат билдирди.

“Бизда байрам. Уларда: қаттиқ наркотик, деменция, сурбетлик. Зеленский тезда НАТОга қўшилишни хоҳлайди. Ажойиб фикр. Шимолий Атлантика иттифоқидан учинчи жаҳон урушининг бошланишини тезлаштиришни ёлвориб сўраяпти”, деб ёзган Медведев Telegram-каналида.

Медведев, НАТО Бош котиби Йенс Столтенбергнинг Украина қуролини ташласа, давлат сифатида йўқ бўлиб кетиши ҳақидаги сўзларига эътибор қаратган. Бунга жавобан у акс ҳолда украиналикларнинг катта қисми йўқ бўлиб кетишини ёзган. Шу муносабат билан Медведев Столтенбергни “бемаъни бола” деб атаган.

Аввалроқ Украина Президенти Владимир Зеленский ҳукумат НАТОга аъзо бўлиш учун ариза топшириши ҳақида маълум қилиб, тегишли аризани имзолаш жараёни акс этган видео билан бўлишганди. Расмий Киев Россия Украинанинг тўрт вилояти – Донецк, Луганск, Херсон ва Запорожьени аннексия қилгач, шундай баёнот билан чиқди.