Мбаппенинг эҳтимолий трансфери “Реал” аъзоларига қандай таъсир қилди?
Спорт
−
17 Июнь 2023 5784
“Реал” футболчилари ПСЖ ҳужумчиси Килиан Мбаппенинг трансфери ҳақидаги хабарга ижобий муносабатда бўлмоқда. Бу ҳақда “Relevo” хабар берди.
Қайд этилишича, Мбаппе ёзги трансфер ойнасида ПСЖни тарк этиб, “Реал”га ўтиши мумкин. Футболчининг клуб билан шартномаси 2024 йилгача мўлжалланган. Мбаппе ўтган мавсумда барча турнирларда 43 ўйинда майдонга тушиб, 41 та гол урди ва 10 та голга ассистентлик қилди.
Таъкидлаш жоиз, ҳужумчи ПСЖ раҳбариятига расмий мактуб йўллаб, ҳар қандай ҳолатда ҳам парижликлар билан шартномасини 2025 йилгача узайтирмаслигини маълум қилган.
Эслатиб ўтамиз, ПСЖ “Атлетико” ҳужумчиси Антуан Гризманнни Мбаппега ўринбосар сифатида кўрмоқда, бироқ мадридликлар бош мураббийи Диего Симеоне футболчининг кетишини истамаяпти. Гризманнинг ўзи ҳам клубини ўзгартириш ниятида эмас.
Live
Барчаси
