Мбаппедан покер: Франция ва Бельгия ЖЧга йўл олди

Кеча, 13 ноябрь куни Европа қитъасида 2022 йилги Жаҳон чемпионатининг саралаш учрашувлари бўлиб ўтди. 

“D” гуруҳи пешқадами Франция терма жамоаси ўз майдонида Қозоғистонга имконият қолдирмади – 8:0. Ушбу ғалабадан сўнг, “хўрозлар” Жаҳон чемпионати йўлланмасини қўлга киритди. Ушбу учрашувда Килиан Мбаппе покер қайд этган бўлса, Карим Бензема дублга эришди. 

Франция 8:0 Қозоғистон: 
Голлар: 1:0 – 6’ Мбаппе, 2:0 – 12’ Мбаппе, 3:0 – 32’ Мбаппе, 4:0 – 55’ Бензема, 5:0 – 59’ Бензема, 6:0 – 75’ Рабьо, 7:0 – 84’ пенальти Гризманн, 8:0 – 87’ Мбаппе.

“E” гуруҳида Бельгия терма жамоаси Эстонияни қабул қилди ва ушбу баҳсда ишончли ғалабани қўлга киритди. Ушбу ғалабадан сўнг, Роберто Мартинес шогирдлари Жаҳон чемпионат йўлланмасини нақд қилди.

Бельгия 3:1 Эстония 
Голлар: 1:0 – 11’ Бентеке, 2:0 – 53’ Карраско, 2:1 – 70’ Сорга, 3:1 – 74’ Торган Азар.

Гуруҳдаги иккинчи ўйинда Гарет Бэйл сардорлигидаги Уэльс ўз майдонида Беларусь терма жамоаси устидан ғалаба қозониб, иккинчи ўринга кўтарилиб олди. 

Уэльс – Беларус 5:1
Голлар: 1:0 – 2’ Ремзи, 2:0 – 20’ Уилямс, 3:0 – 50’ пенальти Ремзи, 4:0 – 77’ Девис, 4:1 – 87’ Консевой, 5:1 – 89’ Роберт

“G” гуруҳида иштирок этаётган Нидерландия терма жамоаси Черногория билан баҳснинг сўнгги дақиқаларда тайёр ғалабани қўлдан чиқарди. Агар ушбу баҳсда “учар голландлар” ғалаба қозонганида, мундиал йўлланмасини қўлга киритар эди.

Черногория 2:2 Нидерландия 
Голлар: 0:1 – 25’ пенальти Депай, 0:2 – 54’ Депай, 1:2 – 82’ Вукотич, 2:2 – 86’ Вуйнович.

Штефан Кунс бош мураббийлигидаги Туркия терма жамоаси Гибралтарни қабул қилиб, йирик 6:0 ҳисобида ғалабага эришди ва ушбу гуруҳда иккинчи ўринга кўтарилиб олди. Жаҳон чемпионати йўлланмаси сўнгги турда Нидерландия, Норвегия ва Туркия ўртасида кечади.

Туркия 6:0 Гибралтар
Голлар: 1:0 – 11’ Актуркўғлу, 2:0 – 38’ Дервишўғлу, 3:0 – 41’ Дервишўғлу, 4:0 – 65’ Демирал, 5:0 – 81’ Дурсун, 6:0 – 84’ Мюлдюр
Шунингдек, Эрлинг Холландсиз Норвегия терма жамоаси Латвияни енга олмади ва гуруҳда учинчи ўринга тушиб қолди. Жамоа сўнгги турда Нидерландия меҳмони бўлади. 

Норвегия – Латвия 0:0

Бугун, 14 ноябрь куни Португалия – Сербия, Хорватия ؘ– Россия, Испания – Швеция ўйинлари ўтказилади.