Мбаппе журналист билан тортишиб қолди

“Реал Мадрид” ҳужумчиси Килиан Мбаппе Чемпионлар лигасининг биринчи турида “Интер”га қарши ўйин олдидан ўтказилган матбуот анжуманида журналистнинг саволига кескин жавоб қайтарди.

Журналист Мбаппе ва Винисиус Жуниор ҳимоядаги ҳаракатларини яхшилаши керакми, деган савол билан мурожаат қилган. Шунингдек, у “Барселона” ҳужумчиси Рафинья ва “Пари Сен-Жермен” футболчиси Усмон Дембеленинг прессингда фаолроқ ҳаракат қилишини мисол сифатида келтирди.

“Фақат мен ва Винисиусми?” деб жавоб берган Мбаппе.

Шундан сўнг, франциялик футболчи барча футболчиларда яхшиланиш учун имконият борлигини тан олган. Бироқ у Рафинья ва Дембеле билан таққосланишни истамаслигини айтган.

“Албатта, биз яхшиланишимиз керак. Истасам, ўзимни гўлликка солиб, улардан кўпроқ гол уришимни айтишим мумкин. Улар ҳам мен каби бўлиш учун кўпроқ гол уришлари керак. Ҳар ким ҳар хил. Мен ўзимни улар билан солиштиришни хоҳламайман, чунки мен улар қилмайдиган ишларни ҳам бажараман”, дейди Мбаппе.

27 ёшли ҳужумчи, шунингдек, ўз ўйинини ҳимояда ҳам яхшилаши кераклигини тан олган.

Маълумот учун, Мбаппе “Реал Мадрид” сафида жорий мавсум Ла Лиганинг дастлабки тўрт учрашувида тўртта гол урган. Мадридликлар бугун, 8 сентябрь куни Чемпионлар лигасининг биринчи турида “Интер”ни қабул қилади. Учрашув Тошкент вақти билан 23:55 да бошланади.