Матвиенко Мирзиёевга Путиннинг саломини етказди (видео)
Жамият
−
07 Апрель 5231
Ўзбекистон Республикаси Президенти Шавкат Мирзиёев бугун, 7 апрель куни Россия Федерацияси Федерал Мажлиси Федерация Кенгаши Раиси Валентина Матвиенкони қабул қилди. Бу ҳақда Президент матбуот хизмати хабар берди.
Учрашув аввалида давлат раҳбари бугун 76 ёшни қаршилаган Валентина Матвиенкони таваллуд куни билан самимий табриклаб, унга мустаҳкам соғлик, бахт-саодат ва катта муваффақиятлар тилади.
Федерация Кенгаши Раиси Ўзбекистон етакчисига самимий миннатдорлик билдириб, Россия Президенти Владимир Путиннинг саломи ва энг эзгу тилакларини етказди.
Қайд этилишича, Ўзбекистон билан Россия ўртасидаги кенг қамровли стратегик шериклик ва иттифоқчилик муносабатларини янада мустаҳкамлаш масалалари кўриб чиқилган.
“Парламентлараро алоқалар самарали бўлаётгани юксак баҳоланди.
Олий даражада эришилган келишувлар ижроси устидан парламент назорати бўйича фаол ҳамкорликни давом эттириш муҳим экани таъкидланди”, дейилади хабарда.
Шунингдек, савдо-иқтисодий шериклик суръатини таъминлаш, саноат кооперацияси лойиҳалари ва гуманитар алмашинув дастурларини қўллаб-қувватлашга алоҳида эътибор қаратилган.
Маълумот учун, Валентина Матвиенко Тошкентда ўтаётган Парламентлараро иттифоқнинг 150-юбилей Ассамблеясида Россия делегациясига раҳбарлик қилмоқда.
Live
Барчаси
