Маск давлат хизматидан кетади – Трамп

АҚШ Президенти Дональд Трамп миллиардер Илон Маск бошчилигидаги Ҳукумат самарадорлиги департаменти (DOGE) фаолиятини тўхтатиши мумкинлигини айтди. Бу ҳақда CNN хабар берди

“Биласизми, бир нуқтада, менимча, бу ҳам тугайди. Федерал агентлик раҳбарлари DOGE’дан кўп нарсаларни ўрганишди”, деди у.

Трамп, шунингдек, Маскнинг хусусий секторга қайтишини таклиф қилди. Унинг таъкидлашича, тадбиркорнинг ўзи ўз бизнесини бошқаришга қайтмоқчи.

Шу билан бирга, Америка етакчиси Маскни имкон қадар узоқ муддат давлат хизматида сақлашга ҳаракат қилишини қўшимча қилиб, уни “иқтидорли ва жуда ақлли” инсон деб атаган.

CNN маълумотларига кўра, DOGE бошланганидан бери 121 мингдан ортиқ ходим федерал агентликлардан ишдан бўшатилди. Президент Трамп Маскнинг фаолиятидан қониқиш ҳосил қилди, аммо уни оммавий ишдан бўшатишдан эҳтиёт бўлишга чақирди. Унинг сўзларига кўра, қисқартириш бўйича қарорларни президент маъмурияти ходимлари қабул қилади, чунки улар давлат хизмати ишининг ўзига хос хусусиятларини яхшироқ билишади. Маск Трампнинг сўзларига қўшилди.

Миллиардернинг айтишича, агар АҚШ ҳукумати ишида инқилоб бўлмаса, “Америка” деб номланган кема чўкиб кетади.