Машҳур нашр мундиалнинг энг яхши футболчиларини эълон қилди

Қатар мезбонлик қилаётган футбол бўйича Жаҳон чемпионатининг барча чорак финал ўйинлари якунланганидан сўнг, "Goal" нашри турнирнинг энг яхши ўн нафар футболчисини маълум қилди.

Нашр хабарига кўра, мундиалнинг энг яхши футболчиси аргентиналик ҳужумчи Лионель Месси ҳисобланади. Аргентиналик ўз ҳисобига Жаҳон чемпионатининг бешта ўйинида тўртта гол ва иккита голли узатма ёздириб қўйди. Иккинчи ва учинчи ўринни франциялик Килиан Мбаппе ва Антуан Гризманн эгаллади.

ЖЧнинг энг яхши футболчилари:

Лионель Месси (Аргентина);

Килиан Мбаппе (Франция);

Антуан Гризманн (Франция);

Доминик Ливакович (Хорватия);

Ашраф Ҳакими (Марокаш);

Бруно Фернандеш (Португалия);

Софян Амрабат (Марокаш);

Ришарлисон (Бразилия);

Коди Гакпо (Нидерландия);

Жуд Беллингем (Англия).

Энг кучли ўн нафар футболчидан олти нафари чемпионлик учун курашни давом эттирмоқда. Аргентина ва Хорватия терма жамоалари ЖЧ-2022 ярим финалида 13 декабрда, Франция ва Марокаш термалари эса 14 декабрда майдонга тушади.