Мартинес Роналдуга юқори баҳо берди
Спорт
−
08 Июнь
4119Португалия терма жамоаси бош мураббийи Роберто Мартинес жамоа етакчиси Криштиану Роналду ҳақида гапириб, унинг етакчилик хислатига юқори баҳо берди.
“Бу Роналдунинг олтинчи чемпионати ва у бу турнирда беш марта ўйнаган ягона футболчи. У жаҳон футболи учун ноёб ютуқ ҳисобланади. Роналдудаги тажриба бу мусобақада биз учун жуда муҳим. Шунингдек, бизда бошқа юлдуз футболчилар бор ва улар Криштиануга ёрдам бериш учун қўлидан келган ҳамма нарсани қилишга тайёр”, дейди Мартинес.
Қайд этиш жоиз, Роналду Португалия терма жамоаси сафида 2003 йил 20 августда дебют қилган. Шу вақтга қадар ҳужумчи 206 ўйинда майдонга тушиб, 128 та гол уришга муваффақ бўлган. У терма жамоа билан 2016 йил Европа чемпионлигини, 2019 йилда эса Миллатлар лигаси кубогини қўлга киритган.
Маълумот учун, Португалия терма жамоасига Евро-2024 гуруҳ босқичида Чехия, Туркия ва Грузия жамоалари рақиблик қилади.
Хабибуллоҳ Райимов
LiveБарчаси