Марокаш Аргентинани мағлуб этиб, Жаҳон чемпионига айланди

Спорт

−

20 Октябрь 2025 visibility3969 timer1 дақиқа

Марокаш бугун, 20 октябрга ўтар кечаси Сантьягодаги (Чили) “Насионал - Хулио Мартинес Праданос” стадионида 2025 йилги U-20 Жаҳон чемпионатининг финал учрашуви бўлиб ўтди.

Унда Аргентина ва Марокаш терма жамоалари тўқнаш келди. Ўйин марокашликларнинг 2:0 ҳисобидаги ғалабаси билан якунланди. Шу тариқа, Шимолий Африка жамоаси U-20 ЖЧ-2025 ғолиби бўлди.

Марокашлик футболчилар сафида 20 ёшли ҳужумчи Яссир Забири икки гол уриб, дубль қайд этди. Футболчи 19-дақиқада ҳисобни очди, 29-дақиқада эса Марокаш терма жамоаси устунлигини оширди.

Маълумот учун, 2023 йилда U-20 ЖЧ ғолиби Уругвай ёшлар терма жамоаси бўлган эди. Энг кўп ғалаба қозонган миллий жамоа эса Аргентина бўлиб, олти марта чемпионликни қўлга киритган.

Жаҳонгир Иномжонов

Мақола муаллифи