Мадримов Кроуфордга қарши жанг қилади – манба
Спорт
−
20 Апрель 7655
Ўзбекистонлик профессионал боксчи, WBA камари соҳиби Исроил Мадримов навбатдаги жангини америкалик енгилмас боксчи, яримўрта вазн тоифасида WBC, WBO ва WBA чемпионлик камарлари соҳиби ва вазн тоифасидан қатъи назар (P4P) рейтинги етакчиси Теренс Кроуфордга қарши жанг қилади. Бу ҳақда ESPN хабар берди.
Манбага кўра, ушбу жанг 3 август куни АҚШнинг Калифорния штати Лос-Анжелес шаҳрида бўлиб ўтади.
Қайд этиш жоиз, Кроуфорд охирги жангида ҳамюрти Эррол Спенсни тўққизинчи раундда техник нокаутга учратиб, яримўрта вазн тоифасида мутлақ жаҳон чемпионига айланганди. 36 ёшли Теренс ҳисобида профбоксда эришилган 40 та ғалаба мавжуд. Мадримов эса охирги жангини россиялик Магомед Қурбоновга қарши ўтказиб, WBA камарини қўлга киритганди.
Live
Барчаси
