UFC ҳеч қачон боксдан яхшироқ бўлмайди – Кроуфорд

Уч вазн тоифасида мағлубиятсиз собиқ мутлақ жаҳон чемпиони, америкалик боксчи Теренс Кроуфорд UFC ҳеч қачон машҳурлик борасида боксдан ўзиб кета олмаслигига ишонч билдирди. Бу ҳақда Кроуфорд MMA Mania нашрига берган интервьюсида айтиб ўтди.

Теренс Кроуфорднинг фикрича, аралаш жанг санъатлари лигаси жанговар спорт индустриясининг флагманига айланиши қийин.

“UFC ҳеч қачон боксдан яхшироқ бўлмайди. UFC ўз ишида яхши, биз эса ўз ишимизда яхшимиз. Биласизми, мен нимани назарда тутяпман? Аралаш жанг санъатида сиз шундай ўйлашингиз керак: агар мен сизни қўлларим билан мағлуб эта олмасам, унда тепиш ёки текдаун орқали ғалаба қозонишга ҳаракат қиламан. Бу бутунлай бошқа руҳий тайёргарлик”, дейди Кроуфорд.

Маълумот учун, 38 ёшли боксчи профессионал рингда жами 42 та жанг ўтказиб, уларнинг барчасида ғалаба қозонган (31 таси нокаут билан).

Теренс Кроуфорд ўсмирлар ўртасида ярим ўрта вазн тоифасида (2017) ҳамда ярим ўрта вазн тоифасида (2023) мутлақ жаҳон чемпиони бўлган. Шунингдек, у бокс тарихида учта вазн тоифасида мутлақ жаҳон чемпионига айланган биринчи боксчи сифатида қайд этилган.