Конгресс АҚШнинг Хитой ва Россияга қарши урушга тайёргарлик кўришини маслаҳат берди

АҚШ Конгрессининг Стратегик режалаштириш комиссияси мамлакат расмийларига Хитой ва Россия билан бир вақтда урушга тайёргарлик кўришни тавсия этди. Бу ҳақда комиссиянинг 145 саҳифалик ҳисоботига таяниб, “Reuters” хабар берди.

Ҳисоботда иштирок этган юқори мартабали агентлик манбаси АҚШ разведкаси Хитой-Россия ядро қуроли бўйича ҳамкорликдан хабардор ёки йўқлигини айтишдан бош тортган. Нашр суҳбатдошига кўра, Қўшма Штатлар иккита уруш ўтказишга рухсат беради, чунки тилга олинган икки давлат ўртасида максимал мувофиқлаштириш бўлиши мумкин.

Демократлар партияси раиси Мэдлин Кридон ҳисобот эълон қилинган брифингда Президент ва Конгресс Америка халқига мудофаа харажатларини ошириш муҳим эканини айтган. Яъни бу АҚШ, Хитой ва Россия иштирокида юзага келиши мумкин бўлган ядро урушининг зарари билан таққослаганда кичик қийматдир.

"Қўшма Штатлар ва унинг иттифоқчилари бир вақтнинг ўзида иккала томонни ҳам ушлаб туришга ва уларни мағлуб этишга тайёр бўлиши керак. АҚШ бошчилигидаги халқаро тартиб ва   у тарғиб қилаётган қадриятлар Хитой ва Россия режимлари таҳдиди остида”, дея иддао қилинган ҳисоботда.

Конгресс комиссияси Қўшма Штатларга оддий қуролларни яратиш, ҳарбий иттифоқларни мустаҳкамлаш ва ядровий қуролларни модернизация қилиш дастурларини кенгайтиришни ҳам таклиф қилган.

“Комиссия Хитой ва Россия таҳдидлари 2027-2035 йилларда кучайишига ишонади, шунинг учун мамлакат тайёр бўлиши учун ҳозир қарорлар қабул қилиши керак”, дейилади комиссия ҳисоботида.