Конгода тўй 20 дан ортиқ одамнинг ўлими билан тугади

Кеча, 5 сентябрь куни Конго Демократик Республикасида никоҳ тўйи фожиа билан якунланди. Ёнғин оқибатида 20 дан ортиқ киши ҳалок бўлди. Бу ҳақда “Actualite” хабар берди.

Қайд этилишича, одамлар ўлимига олиб келган фавқулодда ҳодиса пойтахт Киншасадаги тантаналар залида тўй маросими вақтида юз берган. Пойтахтнинг Лингвала коммунаси ҳокими Норбер Мушига Нзиндула фожиа ҳақида маълумот берган.

“2026 йил 5 сентябрь эрталабки ҳолатга кўра олинган дастлабки маълумотларга кўра, 22 киши ҳалок бўлган, кўплаб жабрланганлар эса шифохоналарга ётқизилган”, дейилади ҳоким баёнотида.

У ёнғин сабаби ҳозирча номаълумлигини билдирган. Аммо дастлабки маълумотларга кўра, қурбонлар сонининг кўплиги ёнғин бошланганидан сўнг меҳмонларни эвакуация қилиш фақат битта чиқиш эшиги борлиги сабабли қийинлашгани билан изоҳланишини урғулаган.

Ҳокимнинг қўшимча қилишича, ушбу эшик, афтидан, тор бўлган, умумий ваҳима ва тутуннинг қуйюқлиги эса вазиятни янада оғирлаштирган.

Эслатиб ўтамиз, аввалроқ Эрон расмийлари АҚШ ҳарбийлари мамлакат жанубидаги Сурик шаҳрида тўй маросими ўтказилаётган уйга зарба берганини, оқибатда камида 5 киши, жумладан ёш бола ҳалок бўлганини маълум қилганди.