Холанд Мбаппенинг рекордини янгилади
Спорт
−
29 Ноябрь 2023 2279
“Манчестер Сити” ҳужумчиси Эрлинг Холанд Европа Чемпионлар лигасида иккита янги рекорд ўрнатди. Бу ҳақда ESPN хабар берди.
Турнир гуруҳ босқичининг 5-тури доирасидаги ўйинда Холанднинг голи “шаҳарликлар”га Германиянинг “РБ Лейпциг” клубини мағлуб этишга ёрдам берди.
Шу тариқа, Холанд Европа Чемпионлар лигасида энг тез 40 та гол урган футболчига айланди. Бунинг учун унга 35 та учрашув етарли бўлди.
Шунингдек, Холанд ПСЖ ҳужумчиси Килиан Мбаппенинг рекордини янгилади ва мусобақада 40 та гол урган энг ёш футболчига айланди (23 ёш, 130 кун).
Маълумот учун, Холанд “Манчестер Сити”да 2022 йилдан буён ўйнаб келмоқда. Футболчининг клуб билан шартномаси 2027 йилгача мўлжалланган. Жорий мавсумда Холанд барча турнирларда 20 та ўйинда қатнашиб, 19 та гол урди ва 4 та голли узатмани амалга оширди.
