Хави Моуриньони ўрнини эгаллаши мумкин

“Барселона” жамоасининг собиқ мураббийи Хави Жозе Моуриньо кетганидан сўнг, Португалиянинг “Бенфика” клуби бош мураббийи бўлишга даъвогарлар қаторига кирди. Бу ҳақда “Record” хабар берди.

Аввалроқ, Фабрицио Романо X ижтимоий тармоғида Моуриньо мавсум охирида “Реал Мадрид” бош мураббийига айланиши ҳақида хабар берган эди. Томонлар оғзаки келишувга эришгани ва ҳужжатлар имзоланиши кутилаётгани айтилмоқда. Португалиялик мураббий билан шартнома икки йилга мўлжалланган.

Маълум қилинишича, Моуриньо жорий йилнинг 23 май куни Ла Лиганинг 38-туридан ўрин олган “Атлетик Бильбао”га қарши ўйиндан кейин Мадридга етиб боради. У янги лавозимидаги ишини жорий мавсум тугагач бошлайди.

Нашрнинг маълумотига кўра, “Бенфика” раҳбарияти Англиянинг “Борнмут” клубини мавсум якунида тарк этадиган Андони Ираола ҳамда сўнгги иш жойи Италиянинг “Ювентус” клуби бўлган Тиагу Мотта номзодларини ҳам кўриб чиқмоқда.

Маълумот учун, Хави 2021 йилдан 2024 йилгача “Барселона”ни бошқарган. У жамоани 2022-2023 йилги мавсумда Испания чемпионлигига ва 2023 йилда Суперкубок ғолиблигига олиб чиққан.