Кармана ҳокими жазоланди

Кармана тумани ҳокими Валижон Юсупович Адизов иш фаолияти давомида йўл қўйган хато ва камчиликлари, ўзига юклатилган лавозим мажбуриятларини лозим даражада бажармай келгани учун жазоланди. Бу ҳақда Навоий вилояти ҳокими Нормат Турсуновнинг тегишли фармойиши қабул қилинди.

Туман ҳокими Валижон Адизовга Меҳнат кодексининг 312-моддаси (Интизомий жазо чоралари) 1-қисмининг 1-бандига асосан “ҳайфсан” интизомий жазо чораси қўлланилган. Бунга Адизовнинг вилоят ҳокими номига ёзган тушунтириш хати асос қилинган.

Маълумот учун, Валижон Адизов жорий йилнинг январь ойида Кармана тумани ҳокими этиб тайинланган. У бунга қадар Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Навоий вилояти ҳудудий бошқармаси бошлиғи ўринбосари лавозимида ишлаб келган.  

Эслатиб ўтамиз, аввалроқ Қашқадарё вилоятида фуқарога тарсаки туширган Чироқчи тумани ҳокими Файзулла Юсупов интизомий жазога тортилганди.