Қримни қайтариб олишга ваъда бераман – Залужний
Олам
−
15 Июль 2023 17904
Украина Қуролли кучлари бош қўмондони Валерий Залужний имкони бўлиши билан Қримни қайтариб олишга ваъда берди. Бу ҳақда у “The Washington Post” нашрига берган интервьюсида айтиб ўтган.
Қайд этилишича, нашрнинг Залужний билан суҳбати чоғида Украинанинг 40 кундан буён давом этаётган қарши ҳужуми ҳақида муҳокама қилинган. Олий бош қўмондондан Қрим ҳақида сўралган. Залужний бунга шундай жавоб берган:
“Керакли маблағ бўлиши биланоқ бу борада бирор иш қиламан. Мен Қримни қайтариб оламан, ҳатто иттифоқчиларимиз бунга қарши бўлса ҳам. Ҳеч ким мени тўхтата олмайди”.
Шунингдек, Залужний Украина Қуролли кучларининг Россия ҳудудига берган зарбалари ҳақидаги саволга ҳам жавоб берган.
“Россия ҳудудига зарба бериш ҳақида ҳеч кимдан сўраб ўтирмоқчи эмасман. Нега кимдандир сўрашим керак? Нимага халқимни ҳимоя қилиш учун қандайдир ишни қилишим мумкин эмаслигини ўйлашим керак. Нега? Путин ядровий қуролдан фойдаланиши мумкинлиги учунми?” дейди Олий бош қўмондон.
Эслатиб ўтамиз, аввалроқ Украина Олий бош қўмондони Валерий Залужний оғир яраланган бўлиши мумкинлиги ҳақидаги хабарлар тарқалганди.
