Қозоғистон Кореяга фуқароларини назорат қилиш учун полиция атташесини юборди

north_east

Россияда мигрантлар ишлай олмайдиган соҳалар икки бараварга оширилди

Қозоғистон Республикасининг Жанубий Кореядаги элчихонаси Қозоғистон фуқароларининг бўлишини назорат қилиш учун полиция ходимини тайинлади. Бу ҳақда Меҳнат ва аҳолини ижтимоий муҳофаза қилиш вазирлигига таяниб, “Казинформ” ахборот агентлиги хабар берди.

Қайд этилишича, Меҳнат ва аҳолини ижтимоий муҳофаза қилиш вазирининг биринчи ўринбосари Асқарбек Эртаев Қозоғистон Республикаси Ички ишлар ва Ташқи ишлар вазирликлари вакиллари билан ишчи учрашув ўтказган.

Муҳокаманинг асосий мавзуси ноқонуний миграцияга қарши курашиш ва Қозоғистон фуқароларининг Корея Республикаси ҳудудида қонуний бўлишини таъминлаш масалалари бўлди.

Учрашув якунлари бўйича яқин вақт ичида Қозоғистон Республикасининг Корея Республикасидаги элчихонаси ҳузурида Қозоғистон фуқароларининг бўлишини назорат қилувчи, жумладан, ноқонуний миграция ва ноқонуний меҳнат фаолияти ҳолатларини аниқлаш бўйича полиция атташеси тайинланиши ҳақида қарор қабул қилинган.

Аниқланган барча қонунбузарликлар зудлик билан қайд этилади ва кейинчалик кўриб чиқиш учун Қозоғистон Республикаси ва Корея Республикасининг ваколатли органларига юборилади.