Истанбулда ўзбекистонлик аёл сўйиб кетилди (видео)

Туркиянинг ўзбекистонликлар энг кўп истиқомат қиладиган мегаполисларидан бири Истанбулнинг Фотиҳ туманида Ўзбекистон фуқароси бўлган 36 яшар Зулайҳо Э. бўғзидан пичоқланиб, ўлдириб кетилди. Бу ҳақда Туркия маҳаллий оммавий ахборот воситалари бонг урмоқда. 

Аёл Оқсарой маҳалласидаги ижара уйида бўғзидан пичоқланган ҳолда топилган. Унинг дўстлари Зулайҳо билан бир неча кун давомида боғлана олмагач, бу ҳақда уй эгасига хабар беришган. Уй эгаси ва аёлнинг дугонаси ундан хабар олиш мақсадида хонадонга келган ва эшикни чилангар ёрдамида очишган.

Уй ичида эса Зулайҳонинг бўғзидан пичоқланган ҳолда жонсиз ётганини кўришган. Шундан сўнг зудлик билан полицияга хабар берилган. Воқеа жойига тергов гуруҳи ва тез тиббий ёрдам етиб келган. Шифокорлар аёл аллақачон вафот этганини аниқлаган. Жасад Суд тиббиёт институти ўликхонасига олиб кетилган. 

Воқеа юзасидан қотиллик гумони асосида суриштирув ишлари бошланган.

Эслатиб ўтамиз, жорий йилнинг 17 август куни Туркиянинг Умрания туманида Ўзбекистон фуқароси бўлган 35 ёшли Н.С. рашк сабабли эри томонидан кўчада пичоқлаб ўлдирилган эди.