Исроил Рафаҳдаги паррандачилик фермасини ўққа тутди
Олам
−
16 Сентябрь 2320
Исроил ҳарбий-ҳаво кучларининг Ғазо сектори жанубидаги Рафаҳ шаҳридаги паррандачилик фермасига берган зарбаси оқибатида икки фаластинлик ҳалок бўлди. Бу ҳақда маҳаллий манбаларга таяниб, Фаластиннинг WAFA расмий агентлиги хабар берди.
Айтилишича, ферма фаластинлик Абу Шаар оиласига тегишли бўлган. Ҳодиса ҳақида қўшимча маълумот берилмаган.
2023 йил 7 октябрдан бери Исроилнинг Ғазо секторида давом этаётган тажовузи оқибатида 41 206 фаластинлик ҳалок бўлди. Улар орасида камида 16 795 бола ва 11 378 аёл бор. Анклавнинг яна 95 337 нафар аҳолиси жароҳатланган. Ҳалок бўлганларнинг жасадлари вайрон бўлган бинолар вайроналари ва йўл четларида ҳамон қолмоқда. Тез ёрдам бригадалари ва фуқаролик мудофааси ходимлари Исроил кучларининг тўсиқлари туфайли уларга етиб бора олмаяпти.
