Исроил Эрон таҳдиди туфайли Нетаньяхуга бункер тайёрламоқда

Исроилнинг учта йирик ташкилотларидан бири бўлган мамлакат махсус хизматлари – “Шин Бет” Эрон ҳужуми таҳдиди туфайли мамлакат раҳбарияти учун барпо этилган бункерни қайта тайёрламоқда. Бу ҳақда “The Times of Israel” хабар берди.

Маҳаллий “Walla” порталига кўра, бир неча юз кишига мўлжалланган ушбу бошпана Қуддус шаҳри ҳудудида жойлашган. У турар-жой бинолари бўлган иш хоналари, Мудофаа вазирлиги билан алоқа марказини ўз ичига олади ва ракеталар зарбасидан ҳимояланган. Юқори мартабали раҳбарлар уруш пайтида узоқ вақт қолишлари мумкин бўлган ер ости бункери тўлиқ қайта ишланмоқда.

Хавфсизлик хизматининг ҳисоботида айтилишича, қарийб 20 йил аввал қурилган бункер бир қатор мавжуд қуроллар зарбаларига бардош бера олади, қўмондонлик ва назорат қилиш қобилиятига эга ва Мудофаа вазирлигининг Тель-Авивдаги штаб-квартираси билан боғланган.

Миллий бошқарув маркази сифатида ҳам танилган бункер Исроилнинг Ғазодаги сўнгги 10 ойлик урушида фойдаланилмаган. Бироқ, у Бош вазир Биньямин Нетаньяху ва бошқа юқори мартабали шахслар томонидан Исроил Яқин Шарқда кескинлик кучайган бир пайтда Эрон ва “Ҳизбуллоҳ” томонидан эҳтимолий ҳужумларга тайёрланаётганда фойдаланиш учун шай ҳолатга келтирилди.

Эслатиб ўтамиз, аввалроқ Эрон ҲАМАС сиёсий етакчиси Исмоил Хониянинг Теҳронда ўлдирилиши туфайли ўч олиш учун Исроилга ҳужумни бошлаши мумкинлиги маълум қилинганди. Шунингдек, Оқ уй раҳбари Жо Байден маъмурияти Исроил билан Эроннинг йирик ҳужумига тайёрланаётгани ҳақида хабар берилганди.