Исроил аскарлари 7 ойлик чақалоқни отиб ўлдирди (видео)

Исроил аскарлари томонидан Ғарбий Соҳил ҳудудида 7 ойлик чақалоқ отиб ўлдирди. Бу ҳақда BBC хабар берди.

Вазирлик марҳум чақалоқнинг исми Сам Фаҳд Абу Ҳайкал эканини аниқлаган. Ҳодиса Хеврон шаҳри жанубидаги Тел Румейда ҳудудида юз берган. Чақалоқнинг ота ва онаси ҳам жароҳат олган.

Исроил Мудофаа армияси баёнотида айтилишича, ҳарбийлар “улар томон тезлик билан келаётган машинани хавф деб ўйлаган” ва шундан сўнг машина томонга бир неча ўқ узган.

Армияга кўра, оқибатда 3 нафар фаластинлик жароҳат олган ва улар тиббий ёрдамга етказилган. Ҳарбийлар воқеа текширилаётганини билдирган ҳамда “бегуноҳ инсонларга етган ҳар қандай зарар учун чуқур афсус” изҳор қилган.

Чақалоқнинг бувиси “Reuters” агентлигига берган интервьюсида, оила машинада кетаётган пайтда йўлда Исроил ҳарбий техникаси ва аскарларини кўриб тўхтаганини айтган. Унинг сўзларига кўра, дастлаб огоҳлантирувчи ўқлар деб ўйланган, бироқ кейин ҳақиқий ўқ узилган.

Унинг айтишича, ўқ чақалоқнинг юзига теккан ва бошига зарар етказган, шунингдек, онасининг юзига ҳам ўқ теккан. Отасининг бармоғи ҳам жароҳатланган, онаси эса шифохонада даволанмоқда.
Маълумотларга кўра, 2023-йил 7-октябрдан бошланган Ғазо урушигача Ғарбий Соҳилда 1000 дан ортиқ фаластинлик ҳалок бўлган.

Шундан бери Ғазода Исроил ҳужумлари оқибатида 70 600 дан ортиқ одам ҳалок бўлган.

Эслатиб ўтамиз, аввалроқ Исроил Ғазо секторида ҳарбий иштирокини кучайтиришда давом этаётгани ҳақида хабар берилганди.