Ispaniyada futbolchi qizni majburlab o‘pgan futbol amaldori jazolandi
Sport
−
20 fevral 14322
Ispaniyaning Milliy sud kollegiyasi mamlakat Qirollik futbol federatsiyasining (RFEF) sobiq rahbari Luis Rubialesga hukm chiqardi. U futbolchi Jennifer Ermosoni uning roziligisiz o‘pgani uchun jazolandi. Bu haqda “Tribuna Valladolid” xabar berdi.
Manbaga ko‘ra, Rubiales endi 10,8 ming yevro jarima to‘lashi kerak bo‘ladi. Shuningdek, unga bir yil davomida Ermosoga 200 metrdan yaqinlashish taqiqlandi.
Ma’lumot uchun, 2023 yilgi jahon chempionati finalida ispaniyalik futbolchi qizlar inglizlarni 1:0 hisobida mag‘lubiyatga uchratganidan keyin taqdirlash marosimi bo‘lib o‘tgan. Shu paytda Rubiales milliy jamoaning g‘alabasidan xursand bo‘lib, Ermosoni quchoqlab, labidan o‘pib olgan.
Xalqaro futbol federatsiyasi (FIFA) rasmiy shaxsga nisbatan intizomiy ish ochgan. Jamoatchilik bosimi ostida Rubiales shu yili 11 sentyabr kuni o‘z lavozimini tark etishga majbur bo‘lgan.
Live
Barchasi
