Исломбек Исмоилов “Нефтчи” бош мураббийи бўлди
Спорт
−
02 Декабрь 4473 1 дақиқа
Футбол бўйича Ўзбекистон U-17 терма жамоасининг собиқ бош мураббийи Исломбек Исмоилов Фарғонанинг “Нефтчи” жамоасининг бош мураббийи этиб тайинланди. Бу ҳақда Фарғона вилояти ҳокимлиги матбуот хизмати хабар берди.
Исломбек Исмоилов Ўзбекистон U-17 терма жамоаси билан Қатарда бўлиб ўтган 17 ёшгача бўлган футболчилар ўртасидаги Жаҳон чемпионатидаги иштирокидан сўнг жамоа билан хайрлашганини маълум қилган эди.
Эндиликда Исмоилов Фарғона жамоаси билан 2026 йилда Ўзбекистон Суперлигасида амалдаги чемпион сифатида иштирок этади. Бундан ташқари, мураббий “Нефтчи” жамоаси билан 2026-2027 йилги ОФК Элит Осиё чемпионлар лигасида ҳам қатнашади.
Маълумот учун, Исломбек Исмоилов бундан олдин Фарғонанинг “Турон” жамоасини ҳам бошқарган.
Эслатиб ўтамиз, аввалроқ Фарғона жамоаси Суперлиганинг энг яхши мураббийи Виталий Левченкони истеъфога чиқарганини эълон қилган эди.
