“Ипподром”да ёнғин: машиналар ва млрд сўмлик товарлар кулга айланган

Кеча, 5 апрель куни халқ орасида "Иппoдром" номи билан машҳур бўлган Чилонзор туманидаги "Бешқўрғон" савдо мажмуасида йирик ёнғин чиқди. Унинг тафсилотларини ўрганиш мақсадида QALAMPIR.UZ жамоаси воқеа жойига борди.

Тармоқларда тарқалган видеоларда аланга жуда катта майдонни эгаллагани, қуюқ қора тутун осмонга кўтарилгани кўринади. Одамлар жон ҳолатда ўз товарлари ва машиналарини хавфсиз жойга олиб чиқишга уринаётгани ҳам тасвирларда акс этган.

Биз суҳбатлашган тадбиркорларнинг айримлари интервью беришдан бош тортди. Улар бу барибир бефойда бўлишини, етказилган зарар ҳеч ким томонидан қопланмаслигини билдиришди.

Ижтимоий тармоқларда "ёнғинда жароҳат олганлар ва вафот этганлар бор" мазмунида хабарлар тарқалган. Бироқ, ФВВнинг билдиришича, ёнғин оқибатида ҳеч кимга зиён етмаган.

Ушбу репортажни тўлиқ шаклда  QALAMPIR.UZ’нинг YouTube каналида томоша қилишингиз мумкин.