Инсон билан суҳбатлашувчи биринчи калонка тақдим этилди

Vifa компаниясига тегишли ChatMini дунёдаги биринчи ChatGPT`га асосланган калонкага айланди.  Бу ҳақда “IT Home” нашри хабар берди.

У одатий ихчам симсиз калонкага қараганда кўпроқ функцияларни таклиф қилади. Хусусан, ChatGPT интеграцияси билан у Siri ёки Google Assistant каби бошқарувчи билан мулоқот ўрнатиши, шунингдек, у фойдаланувчиларнинг ҳиссий ҳолатини ҳисобга олган ҳолда далда, тасалли ва маслаҳат ҳам бериши мумкин.

Бундан ташқари, Vifa ChatMini ChatGPT`нинг генератив ваколатларидан фойдаланиш имкониятига эга бўлиб, унга қўшиқ матнлари, мақолалар ва шеърларларни яратиш имконини беради. У саволларга жавоб бериши ва ўйин ўйнаши ҳам мумкин.

ChatMini`нинг нархи одатий динамикларникидан анча юқори – 259 АҚШ доллари этиб белгиланган.  

Эслатиб ўтамиз, Россияда қозонлик олимлар ва шифокорлар инсон умрини 150 йилгача узайтира оладиган махсус капсула ўйлаб топди. Унга ҳам шикоятларни тинглайдиган ва маслаҳатлар берадиган смарт психолог дўст ўрнатилган.