Игорь Додон Ўзбекистонга келади
Олам
−
12 Октябрь 2019 4361
Молдова Республикаси Президент Игорь Додон 2020 йилда расмий ташриф билан Ўзбекистонга келади. Бу ҳақда “Noi.md” хабар берди.
Маълумотларга кўра, Мустақил Давлатлар Ҳамдўстлигига аъзо давлатлар раҳбарлари саммити бошланишидан аввал Ўзбекистон Республикаси Президенти Шавкат Мирзиёев билан учрашувда шунга келишилган.
Президентлар учрашувда икки давлат ўртасидаги алоқаларни ҳар томонлама ривожлантириш муҳим эканини қайд этган. Икки давлат раҳбарларининг сўнгги ўзаро ташрифлар алмашинувига 20 йилдан ортиқ вақт ўтган. Савдо-иқтисодий ҳамкорлик бўйича ҳукуматлараро комиссиянинг сўнгги йиғилиши 2002 йилда ўтказилган.
Томонлар парламентлар даражасида алоқаларни йўлга қўйиш ва савдо-иқтисодий соҳада ҳамкорликни ривожлантиришдан манфаатдорлик таъкидланган.
