Ғазодаги уруш Синварни йўқ қилиш билан якунланмайди – Нетаньяху
Олам
−
11:091863
Исроил ҳарбийлари томонидан Фаластиннинг ҲАМАС ҳаракати Сиёсий бюроси раҳбари Яҳё Синварнинг йўқ қилиниши Ғазо секторида “энди ҳукмронлик қилмайдиган” ушбу ташкилотнинг “охирги кунининг бошланиши”ни англатади. Бу ҳақда Исроил Бош вазири Биньямин Нетаньяху Исроилнинг асосий телеканаллари орқали эфирга узатилган телемурожаати чоғида айтиб ўтди.
Исроил вазирлар маҳкамаси раҳбарининг таъкидлашича, Ғазо секторидаги ҳарбий амалиёт ҲАМАС раҳбарини “ўлдирилиши билан тугамаган” ва ҲАМАС томонидан гаровга олинганлар озод этилмагунча “тўлиқ қувватда” давом этади.
"Бизга зарар етказадиганлар билан нима содир бўлишини яна бир бор кўрсатдик. Бугун мен Яҳё Синвар йўқ қилинганини эълон қиламан. Аммо уруш бу билан тугамади. Ёвузлик даҳшатли зарба олди, аммо бизнинг вазифамиз ҳали тугалланмаган", деди Нетаньяху.
Унинг сўзларига кўра, Синварнинг йўқ қилиниши "урушдаги муҳим лаҳзадир".
"Мен Ғазо аҳолисига айтмоқчиманки, унинг тугатилиши Ғазо секторида энди ҳукмронлик қилмайдиган ҲАМАС режимининг тугаши йўлидаги муҳим босқичдир", деб давом этди у.
Эслатиб ўтамиз, аввалроқ Исроил кучлари матбуот хизмати Синвар исроиллик ҳарбийларнинг 16 октябрь куни Ғазо сектори жанубида ўтказган операцияси давомида йўқ қилинганини маълум қилганди.
Live
Барчаси
