Франция Туркияни мағлуб этиб, гуруҳда биринчи ўринни эгаллади
Спорт
−
09:40 268 1 дақиқа
Кеча, 15 ноябрь куни Франция терма жамоаси Миллатлар лигаси гуруҳ босқичининг олтинчи турида ўз майдонида Туркияни 2:1 ҳисобида мағлуб этди. Учрашув Бордо шаҳрида бўлиб ўтди.
Ҳисоб 49-дақиқада туркиялик ҳимоячи Эмирхан Топчининг ўз дарвозасига гол киритиши натижасида очилди. 80-дақиқада Эли Крупи Франциянинг иккинчи голини урди. Туркия терма жамоаси сафида Абдулкерим Бардакчи 90-дақиқада битта гол билан жавоб қайтарди.
Шу тариқа, Франция терма жамоаси 13 очко билан Миллатлар лигаси Элит дивизиони 1-гуруҳида биринчи ўринни эгаллади. Бельгия 12 очко билан иккинчи, Италия 10 очко билан учинчи ўринни банд этди. Туркия эса очкосиз қолди.
Маълумот учун, Элит дивизионнинг ҳар бир гуруҳида дастлабки икки ўринни эгаллаган жамоалар чорак финалга йўл олади. Португалия мусобақанинг амалдаги ғолиби ҳисобланади.
Live
БарчасиЗангиотадаги бинода ёнғин чиқди
15 Ноябрь
Судан армияси назоратни қайта тиклади
15 Ноябрь