FIFA Исроил клубларини мусобақалардан четлатиши кутилмоқда

Sport

−

19 July 2024 visibility5953 timer1 minute

Халқаро футбол федерацияси (FIFA) ташкилот кенгаши йиғилишида Исроил жамоалари ва клубларини халқаро мусобақаларда иштирок этишдан четлаштириш тўғрисида қарор қабул қилиши мумкин. Бу ҳақда “Reuters” хабар берди.

20 июль куни FIFA кенгашининг навбатдан ташқари йиғилиши бўлиб ўтади. Адвокат Макс ду Плессис Исроил расмийларининг Фаластиндаги ҳаракатлари FIFA'нинг асосий мақсад ва ғояларига путур етказиши ҳақида ҳисобот тайёрлади. Ҳисоботда, шунингдек, Исроил инсон ҳуқуқларини поймол қилаётгани, мамлакат расмийлари миллатига кўра камситишлари, бу инсонпарварлик мақсадлари ва FIFA позициясига зид эканлиги қайд этилган.

Май ойида Фаластин футбол ассоциацияси президенти Жибрил Ражуп FIFA'дан Исроил футбол федерациясининг ташкилотдаги аъзолигини тўхтатишни талаб қилди.

Эслатиб ўтамиз, аввалроқ Исроил парламенти Фаластин давлати тузилишига қарши чиққани хабар қилинганди.

Author